تعرف علي اكثر مزار سياحي مثير للاشمئزاز

تعرف علي اكثر مزار سياحي مثير للاشمئزاز معروف ان المزارات السياحية بتكون بمواصفات معينة معابد او متاحف او اماكن طبيعية و مناظر خلابة ، و لكن ماذا لو كان المزار السياحي مختلف تمام لدرجة انه مثير للاشمئزاز وهو حائط العلكة او اللبان و اللي بيطلق عليه اكثر مزار سياحي مثير للاشمئزاز فهيا نتعرف عليه

المزارات السياحية كتيرة ومتنوعة في العالم ، مزارات طبيعية من صنع الانسان و ال بتتمتع بطبيعة ساحرة ، وفي اماكن سياحية من صنع الانسان علي مر التاريخ ، بس النهاردة ال هنتكلم عنه ، مزار سياحي مثير للاشمئزاز وعجيب في نفس الوقت ، وهو حائط العلكة او اللبان و ال بيتواجد في امريكا

لو كنت في مكان اول ما تشوفع متعرفش ايه ال موجود علي الحيطة دي ، الوان مختلفة و حجات ملزوقة علي الحيطة في شكل عشوائي و غير منظم ، يبقي انت كده قدام حيطة العلكة الشهير

الحيطة ال جمعت بين الجمال و الاشمئزاز في نفس الوقت ، ده غير انه بيوصف بانه اكتر مكان بيقصدة السائحين مليان بالجراثيم و متلوث

الحيطة موجودة في مدينة سياتل بولاية واشنطن الامريكية  وهي اكبر مدينة في واشنطن وهي معروفة بالمدينة الخضراء ، وهي تعتبر من افضل المدن الامريكية من ناحية المعيشة و النظافة ، ولو اتكلمنا عن النظافة هنستنثي حائط العلكة من مجمل معالم سياتل

الحيطة موجودة في سياتل زي ما قولنا بالتحديد في  سوق “بايك بليس” بطول 21 متر ، ومن اول الحيطة لاخرها مليان ببواقي اللبان ال حولته من مجرد حيطة لحيطة سياحية بيجيها السياح من كل مكان ، ايوة السياح بتزور حائط العلكة دي كمان بتحط بواقي اللبان في الحيطة دي

يعتبر سنة  1993 عام ميلاد الحيطة ال كانت موجودة من قبل كده ، بس الحكاية بدات كم 1993 ، خلونا نحكي لحضراتكم اصل الحكاية او ليه الحيطة بقت فيها بواقي اللبان

الحيطة موجودة جمب مسرح و ال كان بيقف ناس كتير عشان تحجز تذاكر للمسرح و مع طول الانتظار وو جود عدد كبير من الناس كان بعضهم بيضع بواقي اللبان علي الحيطة ، و كانت دي الشرارة ال بسببها اتحولت حيطة عادية جدا ، لحيطة العلكة الشهيرة

بدات اللعلكة تكتر علي الحيطة و تظهر لناس كتيرة و الناس بقت تيجي مخصوص عشان تحط بواقي اللبان علي الحيطة ، وشوية شوية تراكم اللبان علي الحيطة ، لحد ما بقت بالشكل ال حضراتكم شايفينه  

برغم ان الحيطة في وصفها مثيرة للاشمئزاز يعني حيطة مليانة ببواقي اللبان الا انها تعتبر لوحة زاهية و متعددة الالوان ، وده ال خلاه الناس تحب تشوفها وتتصور جمبها ، وطبعا تسيب بصمتها من بواقي اللبان

الحيطة مستمرتش مجرد حيطة عليها بوقي اللبان لانها بقت مقصد للفنانين التشكلين او الراسمين ، ال بدائوا يبتكروا اعمال فنية باستخدام اللبان و ال زود للحيطة جمال من اللبان

الحيطة شهرتها فاقت المسرح بمراحل لدرجة ان الحيطة هي ال بقت معلم من معامل سياتل و المسرح بقي مجرد مكان بيدخله المهتمين بيه وبس

البلدية حبت انها تنظف الحيطة لانها شافت انه اكتر مكان ملوث ومليان جراثيم و ان سياتل تعتبر مدينة خضراء فقامت بتنظفها وسط اعتراضات كبيرة من السكان و السياح ، و ده ال خلاه البلدية تتراجع عن قرارها لفترة ، بس رجعت و شالت اثار اللبان من الحيطة

السكان و السياح قرروا يستمروا في وجود حائط العلكة و  بقوا يحطوا تاني بوقي اللبان علي الحيطة عشان يستمر حائط اللبان في وجوده و يستمر السياح في زيارتة

في سنة  2015، وللمرة التالتة قررت بلدية سياتل تنظيف الحيطة  باستخدام ماكينة بخار صناعية ، و قررت انها تشيله نهائي ومنعت اي شخص يسيب بواقي اللبان في الحيطة عشان تقضي على تقليدٍ استمر لحوالي 20 سنة ، وطبعا القرار قابلة اعتراضات السكان المحليين والسياح ، بس قرار البلدية كان اقوي

و تنتهي حكاية حيطة العلكة في سياتل ال بتضم معالم واماكن كتيرة زي مقر شركة “مايكروسوفت” و”أمازون كوم”، و قبر لاعب الكاراتيه الشهير بروس لي

اقرا مقالا اخري مثل

• ابواب المراحيض قصيرة لماذا ؟
• اخر اسرار لوحة الفتاة ذات القرط اللؤلؤي